| | 考完試了，無可避免的就是要把今個SEM的筆記收拾好，我每個SEM都很討厭做這樣的東西，
因為...這個動作太殘忍了！殘忍就在於，今個SEM讀六科，有四科的筆記都是考之前幾日印
的！有科因為上堂派筆記友人代小女子領了，有科只有一份NOTE。
所以，當我要把它們丟掉的時侯，它們都依然係新蔟蔟、白雪雪的！試問你叫我怎樣對一個
純潔無暇、出世無耐的嬰兒下毒手！﹖簡直唔係人既所為！
但諗深一層，你地都害我害得慘了，今日唔係你死就係我亡，於是乎，你唔會再見到佢地了。
但當我執到今個SEM的一科Translation for media的時侯，我決定把它留低，我見到自己既多
份功課上密密麻麻既細字，我覺得好安慰。
由學期初PROF話要我DROP左佢，因為我係全班最差一個，仲話我不但英文差，英文理解能
力仲差，我跪地求蹺叫佢手下留情唔好FAIL我，我都係MINOR先迫住要讀科咁難既JIE...到
今時今日佢改完我份卷，仲同我講一句「趙貞雅，你仲未死得既！」我真係覺得非常安慰。
我執筆記既時侯，我發現上個SEM既仲有D係度，我唔捨得掉，一疊係History Experience in
film，一科係creativity。呢兩科係我三年大學生涯入面最喜愛既兩科，History Experience in
film係講近百年的大電影與歷史既關係，呢科真係屈哂機讀得好開心，歷史性地只係走過一堂，
成為三年大學番得最多既一科LECTURE。
creativity呢科真係我三年入面最充實、最實戰、最多發言、最有滿足感既一科，呢科我走過一
堂，係為左考FM。加上一個屈哂機既PROF游靜，我真係覺得好開心！！！而呢一科都順理成章
地製造左我大學生涯的第一個A！亦係唯一一個A！(其實我覺得自己值A+)哈哈。
有N個人話趙貞雅唔應該讀BBA，叫我轉系，哈，由YEAR1 SEM1 到YEAR3 SEM2都仲有人講緊，
多謝你地觀察地咁強，小女子有你地一句覺得我唔係BBA已經好開心！
三年既大學生涯已完，如果SM合格，我就可以畢業！期待以後既路！期待以「唔係學生身份」
踏入社會！加油！ |
| | Posted 5/15/2009 2:35 AM - 32 Views - 2 eProps - 1 Comment
- recommend
  - recs0
- share
- email
 - sent0
|
